Користење
Именикот е бесплатен за пребарување. Податоците се за контакт со фирмите — не за масовни пораки, спам или препродавање. Автоматско преземање на именикот (роботи, „scraping“) не е дозволено.
Точност
Се трудиме податоците да бидат точни и ажурни, но не можеме да гарантираме за секој број и адреса. Ако нешто не е точно, кликнете „Пријави грешка“ на страницата на фирмата.
Додавање и измени
Кога додавате или менувате фирма, потврдувате дека ја претставувате или имате дозвола. Може да одбиеме или скратиме внес што е навредлив, лажен или реклама наместо опис на фирмата.
Партнери
Банерите на страниците водат кон сајтовите на нашите партнери за хостинг и веб-страници. Кликот не значи дека фирмата од именикот е поврзана со нив.
Банерот „Картичка Diners Club“ е препорака: ако аплицирате преку него, именикот добива награда од програмата за препораки на Diners Club.
Огласи
- Означени. Платените банери имаат ознака „Реклама“, а истакнатите фирми — „Препорачано“. Редоследот на останатите фирми во листите не се продава.
- Нарачка и плаќање. Се нарачува на Рекламирајте се, со плаќање со картичка (на заштитената страница на банката) или со профактура преку банка. Нарачките и фактурите ги води ArkaHost, тимот што го одржува именикот — оттаму доаѓаат потврдата и профактурата.
- Објава и траење. Огласот го објавуваме по уплатата и прегледот. Траењето почнува од денот на објавувањето; обновата продолжува од крајот на претходниот период, без изгубени денови.
- Содржина. За текстот, сликата и линкот одговара огласувачот. Не објавуваме огласи што се лажни, навредливи или незаконски, ниту линкови кон штетни страници. Ако одбиеме оглас пред објавата, уплатата ја враќаме во целост.
- Откажување. Пред објавата нарачката може да се откаже без трошок. По објавата огласот трае до крајот на платениот период; ако го тргнеме поради прекршување на овие услови, неискористениот дел не се враќа.
- Ротација и бројки. На местата со повеќе огласувачи огласите се менуваат. Бројот на прикажувања и кликови не е загарантиран — бројките што ги праќаме се за ориентација.
- Истакната фирма. Фирмата мора да е во именикот и во избраната дејност. Ако фирмата се отстрани од именикот, огласот престанува да се прикажува.